[1282] Hetuyā cattāri ārammaṇe tīṇi adhipatiyā cattāri anantare cattāri avigate satta.

[1283] Nahetuyā satta naārammaṇe satta.

[1284] Hetupaccayā naārammaṇe cattāri.

[1285] Nahetupaccayā ārammaṇe tīṇi. Yathā kusalattike pañhāvārassa anulomampi paccanīyampi anulomapaccanīyampi paccanīyānulomampi gaṇitaṃ evaṃ gaṇetabbaṃ. Saññojanavippayuttasaññojaniyadukakusalattikaṃ niṭṭhitaṃ. Saññojanagocchakadukakusalattikaṃ niṭṭhitaṃ. ---------