[1474] Hetuyā tīṇi ārammaṇe nava adhipatiyā nava anantare nava samanantare nava sahajāte pañca .pe. upanissaye nava āsevane nava kamme tīṇi āhāre pañca indriye pañca jhāne tīṇi magge tīṇi sampayutte pañca atthiyā pañca .pe. -------- Paṭiccavāro

[1475] Cittasamuṭṭhānaṃ akusalaṃ dhammaṃ paṭicca cittasamuṭṭhāno akusalo dhammo uppajjati hetupaccayā: tīṇi . nocittasamuṭṭhānaṃ akusalaṃ dhammaṃ paṭicca cittasamuṭṭhāno akusalo dhammo uppajjati hetupaccayā: . cittasamuṭṭhānaṃ akusalañca nocittasamuṭṭhānaṃ akusalañca dhammaṃ paṭicca cittasamuṭṭhāno akusalo dhammo uppajjati hetupaccayā:.

[1476] Hetuyā pañca ārammaṇe pañca avigate pañca. Yathā kusalasadisaṃ. Sahajātavāropi pañhāvāropi vitthāretabbā. ---------- Paṭiccavāro

[1477] Cittasamuṭṭhānaṃ abyākataṃ dhammaṃ paṭicca cittasamuṭṭhāno abyākato dhammo uppajjati hetupaccayā: tīṇi . nocittasamuṭṭhānaṃ abyākataṃ dhammaṃ paṭicca nocittasamuṭṭhāno abyākato dhammo uppajjati hetupaccayā: tīṇi . cittasamuṭṭhānaṃ abyākatañca nocittasamuṭṭhānaṃ abyākatañca dhammaṃ paṭicca cittasamuṭṭhāno abyākato dhammo uppajjati hetupaccayā: tīṇi.