[1631] Kilesavippayuttaṃ saṅkilesikaṃ kusalaṃ dhammaṃ paṭicca kilesavippayutto saṅkilesiko kusalo dhammo uppajjati hetupaccayā: . Kilesavippayuttaṃ asaṅkilesikaṃ kusalaṃ dhammaṃ paṭicca kilesavippayutto asaṅkilesiko kusalo dhammo uppajjati hetupaccayā:.

[1632] Hetuyā dve ārammaṇe dve avigate dve. Lokiyalokuttaradukakusalasadisaṃ. Sahajātavārepi pañhāvārepi vitthāretabbaṃ. ---------- Paṭiccavāro

[1633] Kilesavippayuttaṃ saṅkilesikaṃ abyākataṃ dhammaṃ paṭicca kilesa- vippayutto saṅkilesiko abyākato dhammo uppajjati hetupaccayā: . Kilesavippayuttaṃ asaṅkilesikaṃ abyākataṃ dhammaṃ paṭicca kilesavippayutto asaṅkilesiko abyākato dhammo uppajjati hetupaccayā: tīṇi . Kilesavippayuttaṃ saṅkilesikaṃ abyākatañca kilesavippayuttaṃ asaṅkilesikaṃ abyākatañca dhammaṃ paṭicca kilesavippayutto saṅkilesiko abyākato dhammo uppajjati hetupaccayā:.

[1634] Hetuyā pañca ārammaṇe dve avigate pañca. Lokiyalokuttaradukaabyākatasadisaṃ. Sahajātavārepi pañhāvārepi sabbattha vitthāretabbaṃ. Kilesavippayuttasaṅkilesikadukakusalattikaṃ niṭṭhitaṃ. Kilesagocchakadukakusalattikaṃ niṭṭhitaṃ. ------