[1680] Nahetuyā tīṇi naadhipatiyā pañca nakamme tīṇi .pe. Navippayutte pañca. Sahajātavārādi vitthāretabbaṃ.

[1681] Savitakko akusalo dhammo savitakkassa akusalassa dhammassa hetupaccayena paccayo: tīṇi.

[1682] Hetuyā tīṇi ārammaṇe nava adhipatiyā nava anantare nava .pe. sahajāte pañca upanissaye nava āsevane nava kamme tīṇi āhāre tīṇi .pe. jhāne pañca magge pañca sampayutte pañca atthiyā pañca natthiyā nava.

[1683] Savitakkaṃ abyākataṃ dhammaṃ paṭicca savitakko abyākato dhammo uppajjati hetupaccayā: tīṇi . avitakkaṃ abyākataṃ dhammaṃ paṭicca avitakko abyākato dhammo uppajjati hetupaccayā: tīṇi . Savitakkaṃ abyākatañca avitakkaṃ abyākatañca dhammaṃ paṭicca savitakko abyākato dhammo uppajjati hetupaccayā: tīṇi.