[1797] Hetuyā ekaṃ ārammaṇe dve avigate dve. Sahajātavāropi pañhāvāropi sabbattha vitthāretabbā.

[1798] Saraṇaṃ adukkhamasukhāyavedanāyasampayuttaṃ dhammaṃ paṭicca saraṇo adukkhamasukhāyavedanāyasampayutto dhammo uppajjati hetupaccayā:. Araṇaṃ adukkhamasukhāyavedanāyasampayuttaṃ dhammaṃ paṭicca araṇo adukkhamasukhāyavedanāyasampayutto dhammo uppajjati hetupaccayā:.

[1799] Hetuyā dve ārammaṇe dve avigate dve. Sahajātavāropi pañhāvāropi sabbattha vitthāretabbā. Saraṇadukavedanāttikaṃ niṭṭhitaṃ. ---------