[135] Savitakkasavicāraṃ nahetuṃ dhammaṃ paṭicca savitakkasavicāro nahetu dhammo uppajjati ārammaṇapaccayā: savitakkasavicāraṃ nahetuṃ dhammaṃ paṭicca avitakkavicāramatto nahetu dhammo uppajjati ārammaṇapaccayā: tīṇi . avitakkavicāramattaṃ nahetuṃ dhammaṃ paṭicca avitakkavicāramatto nahetu dhammo uppajjati ārammaṇapaccayā: cattāri . avitakkaavicāraṃ nahetuṃ dhammaṃ paṭicca avitakkaavicāro nahetu dhammo uppajjati ārammaṇapaccayā: pañca. {135.1} Savitakkasavicāraṃ nahetuñca avitakkaavicāraṃ nahetuñca dhammaṃ paṭicca avitakkaavicāro nahetu dhammo uppajjati ārammaṇapaccayā: tīṇi . avitakkavicāramattaṃ nahetuñca avitakkaavicāraṃ nahetuñca dhammaṃ paṭicca savitakkasavicāro nahetu dhammo uppajjati ārammaṇapaccayā: cattāri. Savitakkasavicāraṃ nahetuñca avitakkavicāramattaṃ nahetuñca dhammaṃ paṭicca savitakkasavicāro nahetu dhammo uppajjati ārammaṇapaccayā: ekaṃ . Savitakkasavicāraṃ nahetuñca avitakkavicāramattaṃ nahetuñca avitakkaavicāraṃ nahetuñca dhammaṃ paṭicca savitakkasavicāro nahetu dhammo uppajjati ārammaṇapaccayā: ekaṃ.

[136] Hetuyā sattattiṃsa ārammaṇe ekavīsa adhipatiyā tevīsa anantare ekavīsa sahajāte sattattiṃsa aññamaññe aṭṭhavīsa nissaye sattattiṃsa upanissaye ekavīsa purejāte ekādasa āsevane ekādasa kamme sattattiṃsa vipāke āhāre indriye jhāne magge sattattiṃsa sampayutte ekavīsa vippayutte sattattiṃsa avigate sattattiṃsa.

[137] Nahetuyā tettiṃsa naārammaṇe satta.

[138] Hetupaccayā naārammaṇe satta.