[148] Pītisahagataṃ hetuṃ dhammaṃ paṭicca pītisahagato hetu dhammo uppajjati hetupaccayā: tīṇi . sukhasahagataṃ hetuṃ dhammaṃ paṭicca sukhasahagato hetu dhammo uppajjati hetupaccayā: tīṇi . Upekkhāsahagataṃ hetuṃ dhammaṃ paṭicca upekkhāsahagato hetu dhammo uppajjati hetupaccayā: ekaṃ . pītisahagataṃ hetuñca sukhasahagataṃ hetuñca dhammaṃ paṭicca pītisahagato hetu dhammo uppajjati hetupaccayā: tīṇi.

[149] Hetuyā dasa ārammaṇe dasa avigate dasa.

[150] Naadhipatiyā dasa napurejāte dasa napacchājāte dasa naāsevane dasa navipāke dasa navippayutte dasa. Sahajātavāropi sampayuttavāropi vitthāretabbā.

[151] Pītisahagato hetu dhammo pītisahagatassa hetussa dhammassa hetupaccayena paccayo: tīṇi . sukhasahagato hetu dhammo sukhasahagatassa hetussa dhammassa hetupaccayena paccayo: tīṇi . upekkhāsahagato Hetu dhammo upekkhāsahagatassa hetussa dhammassa hetupaccayena paccayo: ekaṃ . pītisahagato hetu ca sukhasahagato hetu ca dhammā pītisahagatassa hetussa dhammassa hetupaccayena paccayo: tīṇi.