[411] Atītārammaṇo nahetu dhammo atītārammaṇassa nahetussa dhammassa ārammaṇapaccayena paccayo: tīṇi . anāgatārammaṇo nahetu dhammo anāgatārammaṇassa nahetussa dhammassa ārammaṇapaccayena paccayo: tīṇi . paccuppannārammaṇo nahetu dhammo paccuppannārammaṇassa nahetussa dhammassa ārammaṇapaccayena paccayo: tīṇi.

[412] Ārammaṇe nava adhipatiyā satta avigate tīṇi.

[413] Nahetuyā nava naārammaṇe nava.

[414] Ārammaṇapaccayā nahetuyā nava.