[495] Kusalaṃ hetusampayuttaṃ dhammaṃ paṭicca kusalo hetusampayutto dhammo uppajjati hetupaccayā: . akusalaṃ hetusampayuttaṃ dhammaṃ paṭicca akusalo hetusampayutto dhammo uppajjati hetupaccayā:. Abyākataṃ hetusampayuttaṃ dhammaṃ paṭicca abyākato hetusampayutto dhammo uppajjati hetupaccayā:.

[496] Hetuyā tīṇi ārammaṇe tīṇi avigate tīṇi.

[497] Naadhipatiyā tīṇi napurejāte tīṇi. Sahajātavāropi sampayuttavāropi paṭiccavārasadisā.

[498] Kusalo hetusampayutto dhammo kusalassa hetusampayuttassa dhammassa hetupaccayena paccayo: . akusalo hetusampayutto dhammo akusalassa hetusampayuttassa dhammassa hetupaccayena paccayo: . Abyākato hetusampayutto dhammo abyākatassa hetusampayuttassa dhammassa hetupaccayena paccayo:.