[585] Nahetuyā dve naārammaṇe pañca naadhipatiyā nava novigate pañca. Sahajātavāropi sampayuttavāropi paṭiccavārasadisā.

[586] Kusalo anidassano dhammo kusalassa anidassanassa dhammassa hetupaccayena paccayo: tīṇi . akusalo anidassano dhammo akusalassa anidassanassa dhammassa hetupaccayena paccayo: tīṇi . abyākato anidassano dhammo abyākatassa anidassanassa dhammassa hetupaccayena paccayo:.

[587] Kusalo anidassano dhammo kusalassa anidassanassa dhammassa ārammaṇapaccayena paccayo: tīṇi . akusalo anidassano dhammo akusalassa anidassanassa dhammassa ārammaṇapaccayena paccayo: tīṇi . Abyākato anidassano dhammo abyākatassa anidassanassa dhammassa ārammaṇapaccayena paccayo: tīṇi.

[588] Hetuyā satta ārammaṇe nava adhipatiyā dasa anantare satta upanissaye nava avigate sattarasa. Yathā kusalattike pañhāvārampi evaṃ vitthāretabbaṃ. Kusalattikasanidassanadukaṃ niṭṭhitaṃ. -------