[718] Kusalo noupādā dhammo kusalassa noupādā dhammassa ārammaṇapaccayena paccayo: tīṇi . akusalo noupādā dhammo akusalassa noupādā dhammassa ārammaṇapaccayena paccayo: tīṇi . Abyākato noupādā dhammo abyākatassa noupādā dhammassa ārammaṇapaccayena paccayo: tīṇi.

[719] Hetuyā satta ārammaṇe nava adhipatiyā dasa avigate ekādasa. Yathā kusalattike pañhāvārampi evaṃ vitthāretabbaṃ. Kusalattikaupādādukaṃ niṭṭhitaṃ. -------