[744] Akusalaṃ saṅkiliṭṭhaṃ dhammaṃ paṭicca akusalo saṅkiliṭṭho dhammo uppajjati hetupaccayā:.

[745] Hetuyā ekaṃ ārammaṇe ekaṃ avigate ekaṃ. Sahajātavārepi pañhāvārepi sabbattha ekaṃ.

[746] Kusalaṃ asaṅkiliṭṭhaṃ dhammaṃ paṭicca kusalo asaṅkiliṭṭho dhammo uppajjati hetupaccayā: kusalaṃ asaṅkiliṭṭhaṃ dhammaṃ paṭicca abyākato asaṅkiliṭṭho dhammo uppajjati hetupaccayā: kusalaṃ asaṅkiliṭṭhaṃ dhammaṃ paṭicca kusalo asaṅkiliṭṭho ca abyākato asaṅkiliṭṭho ca dhammā uppajjanti hetupaccayā: . abyākataṃ asaṅkiliṭṭhaṃ dhammaṃ paṭicca abyākato asaṅkiliṭṭho dhammo uppajjati hetupaccayā: dve.

[747] Kusalaṃ asaṅkiliṭṭhaṃ dhammaṃ paṭicca kusalo asaṅkiliṭṭho dhammo uppajjati ārammaṇapaccayā: . abyākataṃ asaṅkiliṭṭhaṃ dhammaṃ paṭicca abyākato asaṅkiliṭṭho dhammo uppajjati ārammaṇapaccayā:.