[771] Kusalaṃ kilesavippayuttaṃ asaṅkilesikaṃ dhammaṃ paṭicca kusalo kilesavippayutto asaṅkilesiko dhammo uppajjati hetupaccayā: . Abyākataṃ kilesavippayuttaṃ asaṅkilesikaṃ dhammaṃ paṭicca abyākato kilesavippayutto asaṅkilesiko dhammo uppajjati hetupaccayā:.

[772] Hetuyā dve avigate dve. Sahajātavāropi sampayuttavāropi paṭiccavārasadisā.

[773] Kusalo kilesavippayutto asaṅkilesiko dhammo kusalassa kilesavippayuttassa asaṅkilesikassa dhammassa hetupaccayena paccayo: . Abyākato kilesavippayutto asaṅkilesiko dhammo abyākatassa kilesavippayuttassa asaṅkilesikassa dhammassa hetupaccayena paccayo:.

[774] Hetuyā dve ārammaṇe dve adhipatiyā tīṇi anantare dve upanissaye cattāri avigate dve. Yathā kusalattike pañhāvārampi evaṃ vitthāretabbaṃ. Kusalattikakilesavippayuttasaṅkilesikadukaṃ niṭṭhitaṃ. --------