[214] Ajjhattārammaṇaṃ kusalaṃ dhammaṃ paṭicca ajjhattārammaṇo kusalo dhammo uppajjati hetupaccayā: dve. Sabbattha vitthāro.

[215] Ajjhattārammaṇaṃ akusalaṃ dhammaṃ paṭicca ajjhattārammaṇo akusalo dhammo uppajjati hetupaccayā: dve. Sabbattha vitthāro.

[216] Ajjhattārammaṇaṃ abyākataṃ dhammaṃ paṭicca ajjhattārammaṇo abyākato dhammo uppajjati hetupaccayā: dve. Sabbattha vitthāro. Ajjhattārammaṇattikakusalattikaṃ niṭṭhitaṃ. -----------