[225] Hetuyā ekaṃ ārammaṇe nava adhipatiyā nava avigate tīṇi. Pañhāvārampi vitthāretabbaṃ.

[226] Hetuṃ akusalaṃ dhammaṃ paṭicca nahetu naakusalo dhammo uppajjati hetupaccayā: nahetuṃ akusalaṃ dhammaṃ paṭicca nahetu naakusalo dhammo uppajjati hetupaccayā: hetuṃ akusalañca nahetuṃ akusalañca dhammaṃ paṭicca nahetu naakusalo dhammo uppajjati hetupaccayā:.

[227] Hetuyā tīṇi adhipatiyā tīṇi avigate tīṇi. Sahajātavārampi nissayavārampi paṭiccavārasadisaṃ.

[228] Hetu akusalo dhammo nahetussa naakusalassa dhammassa hetupaccayena paccayo:.