[608] Hetuyā tīṇi. Sanidassanattikacetasikaduke nasanidassanattikanacetasikadukaṃ

[609] Anidassanaappaṭighaṃ cetasikaṃ dhammaṃ paṭicca naanidassana- appaṭigho nacetasiko dhammo uppajjati hetupaccayā: anidassana- appaṭighaṃ cetasikaṃ dhammaṃ paṭicca nasanidassanasappaṭigho nacetasiko dhammo uppajjati hetupaccayā: .pe. anidassanaappaṭighaṃ cetasikaṃ dhammaṃ paṭicca nasanidassanasappaṭigho nacetasiko ca naanidassana- sappaṭigho nacetasiko ca dhammā uppajjanti hetupaccayā:.

[610] Hetuyā cha. Saṅkhittaṃ. Sanidassanattikacittasampayuttaduke nasanidassanattikanacittasampayuttadukaṃ

[611] Anidassanaappaṭighaṃ cittasampayuttaṃ dhammaṃ paṭicca naanidassanaappaṭigho nacittasampayutto dhammo uppajjati hetupaccayā: anidassanaappaṭighaṃ cittasampayuttaṃ dhammaṃ paṭicca nasanidassanasappaṭigho nacittasampayutto dhammo uppajjati Hetupaccayā: .pe. anidassanaappaṭighaṃ cittasampayuttaṃ dhammaṃ paṭicca nasanidassanasappaṭigho nacittasampayutto ca naanidassana- sappaṭigho nacittasampayutto ca dhammā uppajjanti hetupaccayā:.