[188] Nasauttaraṃ dhammaṃ paṭicca nasauttaro dhammo uppajjati hetupaccayā: tīṇi . naanuttaraṃ dhammaṃ paṭicca naanuttaro dhammo uppajjati hetupaccayā: ekaṃ . nasauttarañca naanuttarañca dhammaṃ paṭicca nasauttaro dhammo uppajjati hetupaccayā: ekaṃ.

[189] Hetuyā pañca. Nasaraṇadukaṃ

[190] Nasaraṇaṃ dhammaṃ paṭicca nasaraṇo dhammo uppajjati hetupaccayā: ekaṃ . naaraṇaṃ dhammaṃ paṭicca naaraṇo dhammo uppajjati hetupaccayā: tīṇi . nasaraṇañca naaraṇañca dhammaṃ paṭicca nasaraṇo dhammo uppajjati hetupaccayā: ekaṃ.

[191] Hetuyā pañca. Paccanīyadukapaṭṭhānaṃ niṭṭhitaṃ.