[458] Hetuyā ekaṃ. Nakenaciviññeyyadukanasanidassanattike kenaciviññeyyadukasanidassanattikaṃ

[459] Nakenaciviññeyyaṃ nasanidassanasappaṭighaṃ dhammaṃ paṭicca kenaci- viññeyyo sanidassanasappaṭigho dhammo uppajjati hetupaccayā: ... kenacinaviññeyyo sanidassanasappaṭigho dhammo uppajjati hetupaccayā: ... kenaciviññeyyo sanidassanasappaṭigho ca kenacinaviññeyyo sanidassanasappaṭigho ca dhammā uppajjanti hetupaccayā: tīṇi . Nakenacinaviññeyyaṃ nasanidassanasappaṭighaṃ dhammaṃ paṭicca ... tīṇiyeva . Nakenaciviññeyyaṃ nasanidassanasappaṭighañca nakenacinaviññeyyaṃ nasanidassanasappaṭighañca dhammaṃ paṭicca ... tīṇiyeva . sabbattha nava . Nakenaciviññeyya naanidassanasappaṭighassa purimasadisaṃ navapañhaṃ kātabbā . nakenaciviññeyyanaanidassanaappaṭighamūlassa navapañhameva .