[1488] Nahetupaccayā upanissaye dve purejāte ekaṃ atthiyā ekaṃ avigate ekaṃ. Yathākusalattike pañhāvāraṃ evaṃ vitthāretabbaṃ. Paccanīyānulomadukadukapaṭṭhānaṃ niṭṭhitaṃ. Paccanīyānulomapaṭṭhānaṃ niṭṭhitaṃ. Anuloma dukattikapaṭṭhānato paṭṭhāya yāva pariyosānā tiṃsamattehi bhāṇavārehi paṭṭhānaṃ. Paṭṭhānappakaraṇaṃ paripuṇṇaṃ abhidhammapiṭakaṃ niṭṭhitaṃ --------- ettāvatā ca amhehi yaṃ puññaṃ pasutaṃ bahuṃ taṃ no devānumodantu sabba sampatti siddhiyā dukkhappattā ca niddukkhā bhayappattā ca nibbhayā sokappattā ca nissokā khemaṃ pappontu pāṇino sabbe buddhā balappattā paccekānañca yaṃ balaṃ tesaṃ ca dhammatejena rakkhaṃ bandhāmi sabbaso