[61] Aparehipi bhikkhave tīhaṅgehi samannāgataṃ niyassakammaṃ dhammakammañceva hoti vinayakammañca suvūpasantañca paṭipucchā kataṃ hoti dhammena kataṃ hoti samaggena kataṃ hoti imehi kho bhikkhave tīhaṅgehi samannāgataṃ niyassakammaṃ dhammakammañceva hoti vinayakammañca suvūpasantañca.

[62] Aparehipi bhikkhave tīhaṅgehi samannāgataṃ niyassakammaṃ dhammakammañceva hoti vinayakammañca suvūpasantañca paṭiññāya kataṃ hoti dhammena kataṃ hoti samaggena kataṃ hoti imehi kho bhikkhave tīhaṅgehi samannāgataṃ niyassakammaṃ dhammakammañceva hoti vinayakammañca suvūpasantañca.

[63] Aparehipi bhikkhave tīhaṅgehi samannāgataṃ niyassakammaṃ dhammakammañceva hoti vinayakammañca suvūpasantañca āpattiyā kataṃ hoti dhammena kataṃ hoti samaggena kataṃ hoti imehi Kho bhikkhave tīhaṅgehi samannāgataṃ niyassakammaṃ dhammakammañceva hoti vinayakammañca suvūpasantañca.

[64] Aparehipi bhikkhave tīhaṅgehi samannāgataṃ niyassakammaṃ dhammakammañceva hoti vinayakammañca suvūpasantañca desanāgāminiyā āpattiyā kataṃ hoti dhammena kataṃ hoti samaggena kataṃ hoti imehi kho bhikkhave tīhaṅgehi samannāgataṃ niyassakammaṃ dhammakammañceva hoti vinayakammañca suvūpasantañca.