[155] Aparehipi bhikkhave .pe. adesitāya āpattiyā kataṃ hoti dhammena kataṃ hoti samaggena kataṃ hoti imehi kho bhikkhave .pe.

[156] Aparehipi bhikkhave .pe. codetvā kataṃ hoti dhammena kataṃ hoti samaggena kataṃ hoti imehi kho bhikkhave .pe.

[157] Aparehipi bhikkhave .pe. sāretvā kataṃ hoti dhammena kataṃ hoti samaggena kataṃ hoti imehi kho bhikkhave tīhaṅgehi samannāgataṃ paṭisāraṇīyakammaṃ dhammakammañceva hoti vinayakammañca suvūpasantañca.

[158] Aparehipi bhikkhave tīhaṅgehi samannāgataṃ paṭisāraṇīyakammaṃ dhammakammañceva hoti vinayakammañca suvūpasantañca āpattiṃ Āropetvā kataṃ hoti dhammena kataṃ hoti samaggena kataṃ hoti imehi kho bhikkhave tīhaṅgehi samannāgataṃ paṭisāraṇīyakammaṃ dhammakammañceva hoti vinayakammañca suvūpasantañca. Paṭisāraṇīyakamme dhammakammadvādasakaṃ niṭṭhitaṃ.