[๖๒๙] ปรินิพฺพุเต หิ สมฺพุทฺเธ เถโร จ ๔ กสฺสปวฺหโย อามนฺตยิ ภิกฺขุคณํ สทฺธมฺมมนุปาลโก ปาวายทฺธานมคฺคมฺหิ สุภทฺเทน ปเวทิตํ สงฺคายิสฺสาม สทฺธมฺมํ อธมฺโม ปุเร ทิปฺปติ เอเกนูนปญฺจสตํ อานนฺทมฺปิ จ อุจฺจินิ ธมฺมวินยสงฺคีตึ วสนฺโต ๕ คุหมุตฺตเม อุปาลึ วินยํ ปุจฺฉิ สุตฺตนฺตานนฺทปณฺฑิตํ ปิฏกํ ตีณิ สงฺคีตํ ๑ อกํสุ ชินสาวกา ฯ ขุทฺทานุขุทฺทกา ๒ นานา ยถาปญฺญตฺตวตฺตนา ๓ ฯ น ปุจฺฉิ อกฺกมิตฺวาปิ ๔ วนฺทาเปสิ น ยาจิ จ ปพฺพชฺชํ มาตุคามสฺส สทฺธาย ทุกฺกฏานิ เม ฯ ปุราโณ พฺรหฺมทณฺฑํ จ โอโรโธ อุเทเนน สห ตาว พหุ ทุพฺพลญฺจ อุตฺตรตฺถรณา ภิสิ ภุมฺมตฺถรณา ปุญฺฉนิโย รโช จิกฺขลฺลมทฺทนา สหสฺสจีวรํ อุปฺปชฺชิ ปฐมานนฺทสฺสวฺหยา ๕ ฯ ตชฺชิโต พฺรหฺมทณฺเฑน จตุสจฺจํ อปาปุณิ ฯ วสีภูตา ปญฺจสตา ตสฺมา ปญฺจสตา อิตีติ ๖ ฯ _________________ สตฺตสติกกฺขนฺธกํ