[312] Tena kho pana samayena saṅghassa senāsanaparikkhāriko mahaggho kambalo uppanno hoti . bhagavato etamatthaṃ ārocesuṃ . Anujānāmi bhikkhave phātikammatthāya parivattetunti.

[313] Tena kho pana samayena saṅghassa senāsanaparikkhārikaṃ mahagghaṃ dussaṃ uppannaṃ hoti . bhagavato etamatthaṃ ārocesuṃ . Anujānāmi bhikkhave phātikammatthāya parivattetunti.

[314] Tena kho samayena saṅghassa acchacammaṃ uppannaṃ hoti. Bhagavato etamatthaṃ ārocesuṃ . anujānāmi bhikkhave pādapuñchaniṃ kātunti.

[315] Tena kho samayena saṅghassa cakkalī uppannā Hoti . bhagavato etamatthaṃ ārocesuṃ . anujānāmi bhikkhave pādapuñchaniṃ kātunti.