[267] Tena kho pana samayena manussā bhattagge antaraghare uccāsayanamahāsayanāni paññāpenti seyyathīdaṃ āsandiṃ pallaṅkaṃ goṇakaṃ cittakaṃ paṭikaṃ paṭalikaṃ tūlikaṃ vikaṭikaṃ uddhalomiṃ ekantalomiṃ kaṭissaṃ koseyyaṃ kambalaṃ kuttakaṃ hatthattharaṃ assattharaṃ rathattharaṃ ajinappaveṇiṃ kadalimigapavarapaccattharaṇaṃ sauttaracchadaṃ ubhatolohitakupadhānaṃ . Bhikkhū kukkuccāyantā nābhinisīdanti . bhagavato etamatthaṃ ārocesuṃ . anujānāmi bhikkhave ṭhapetvā tīṇi āsandiṃ pallaṅkaṃ tūlikaṃ avasesaṃ gihivikaṭaṃ abhinisīdituṃ na tveva abhinipajjitunti.

[268] Tena kho pana samayena manussā bhattagge antaraghare tūlonaddhaṃ mañcampi piṭhampi paññāpenti . bhikkhū kukkuccāyantā na abhinisīdanti . bhagavato etamatthaṃ ārocesuṃ . anujānāmi bhikkhave gihivikaṭaṃ abhinisīdituṃ na tveva abhinipajjitunti.