[379] Pamāṇātikkantaṃ nisīdanaṃ kārāpento dve āpattiyo āpajjati kārāpeti payoge dukkaṭaṃ kārāpite āpatti pācittiyassa.

[380] Pamāṇātikkantaṃ kaṇḍupaṭicchādiṃ kārāpento dve āpattiyo āpajjati kārāpeti payoge dukkaṭaṃ kārāpite āpatti pācittiyassa.

[381] Pamāṇātikkantaṃ vassikasāṭikaṃ kārāpento dve āpattiyo āpajjati kārāpeti payoge dukkaṭaṃ kārāpite āpatti pācittiyassa.

[382] Sugatacīvarappamāṇaṃ cīvaraṃ kārāpento kati āpattiyo āpajjati sugatacīvarappamāṇaṃ cīvaraṃ kārāpento dve āpattiyo āpajjati kārāpeti payoge dukkaṭaṃ kārāpite āpatti pācittiyassa sugatacīvarappamāṇaṃ cīvaraṃ kārāpento imā dve āpattiyo āpajjati. Rājavaggo navamo. Khuddakā niṭṭhitā.