[667] Aññaṃ cetāpetvā aññaṃ cetāpentī dve āpattiyo āpajjati cetāpeti payoge dukkaṭaṃ cetāpite nissaggiyaṃ pācittiyaṃ.

[668] Aññadatthikena parikkhārena aññuddisikena saṅghikena aññaṃ cetāpentī dve āpattiyo āpajjati cetāpeti payoge dukkaṭaṃ cetāpite nissaggiyaṃ pācittiyaṃ.

[669] Aññadatthikena parikkhārena aññuddisikena saṅghikena saññācikena aññaṃ cetāpentī dve āpattiyo āpajjati cetāpeti payoge dukkaṭaṃ cetāpite nissaggiyaṃ pācittiyaṃ.

[670] Aññadatthikena parikkhārena aññuddisikena mahājanikena aññaṃ cetāpentī dve āpattiyo āpajjati cetāpeti payoge dukkaṭaṃ cetāpite nissaggiyaṃ pācittiyaṃ.