[1290] Kati saṅghādisesā vuttā buddhenādiccabandhunā vinayaṃ paṭijānantassa visayāni suṇoma te. Tevīsa saṅghādisesā vuttā buddhenādiccabandhunā vinayaṃ paṭijānantassa visayāni suṇohi me.

[1291] Kati aniyatā vuttā buddhenādiccabandhunā vinayaṃ paṭijānantassa visayāni suṇoma te. Dve aniyatā vuttā buddhenādiccabandhunā vinayaṃ paṭijānantassa visayāni suṇohi me.

[1292] Kati nissaggiyā vuttā buddhenādiccabandhunā vinayaṃ paṭijānantassa visayāni suṇoma te. Dvecattāḷīsa nissaggiyā vuttā buddhenādiccabandhunā vinayaṃ paṭijānantassa visayāni suṇohi me.

[1293] Kati pācittiyā vuttā buddhenādiccabandhunā vinayaṃ paṭijānantassa visayāni suṇoma te. Aṭṭhāsītisataṃ pācittiyā vuttā buddhenādiccabandhunā vinayaṃ paṭijānantassa visayāni suṇohi me.