[1300] Upeti dhammaṃ paripucchamāno kusalaṃ atthupasañhitaṃ Na jīvati na mato na nibbuto. Taṃ puggalaṃ katamaṃ vadanti buddhā pañhā mesā kusalehi cintitā.

[1301] Ubbhakkhake na vadāmi adhonābhiṃ vivajjiya methunadhammapaccayā kathaṃ pārājiko siyā pañhā mesā kusalehi cintitā.

[1302] Bhikkhu saññācikāya kuṭiṃ karoti adesitavatthukaṃ pamāṇātikantaṃ sārambhaṃ aparikkamanaṃ anāpatti pañhā mesā kusalehi cintitā.

[1303] Bhikkhu saññācikāya kuṭiṃ karoti desitavatthukaṃ pamāṇikaṃ anārambhaṃ saparikkamanaṃ āpatti pañhā mesā kusalehi cintitā.