[201] Anādariyaṃ paṭicca thūpato omadditvā piṇḍapātaṃ bhuñjantassa dukkaṭaṃ .pe. ekā paññatti .pe. ekena samuṭṭhānena samuṭṭhāti (paṭhamapārājike).

[202] Anādariyaṃ paṭicca sūpaṃ vā byañjanaṃ vā odanena paṭicchādentassa dukkaṭaṃ .pe. ekā paññatti .pe. ekena samuṭṭhānena samuṭṭhāti (paṭhamapārājike).

[203] Anādariyaṃ paṭicca sūpaṃ vā odanaṃ vā [2]- attano atthāya viññāpetvā bhuñjantassa dukkaṭaṃ kattha paññattanti . sāvatthiyā paññattaṃ . kaṃ ārabbhāti . chabbaggiye bhikkhū ārabbha . kismiṃ vatthusminti . chabbaggiyā bhikkhū sūpampi odanampi attano atthāya viññāpetvā bhuñjiṃsu tasmiṃ vatthusmiṃ . ekā paññatti ekā anuppaññatti . channaṃ āpattisamuṭṭhānānaṃ dvīhi samuṭṭhānehi samuṭṭhāti siyā kāyato ca cittato ca samuṭṭhāti na vācato siyā kāyato ca vācato ca cittato ca samuṭṭhāti.

[204] Anādariyaṃ paṭicca ujjhānasaññinā paresaṃ pattaṃ olokentassa dukkaṭaṃ .pe. ekā paññatti .pe. ekena samuṭṭhānena samuṭṭhāti (paṭhamapārājike).