[235] Anādariyaṃ paṭicca nīce āsane nisīditvā ucce āsane nisīnnassa dhammaṃ desentassa dukkaṭaṃ .pe. ekā paññatti ekā anuppaññatti . channaṃ āpattisamuṭṭhānānaṃ ekena samuṭṭhānena samuṭṭhāti vācato ca cittato ca samuṭṭhāti na kāyato.

[236] Anādariyaṃ paṭicca ṭhitena nisinnassa dhammaṃ desentassa dukkaṭaṃ .pe. ekā paññatti ekā anuppaññatti . channaṃ āpattisamuṭṭhānānaṃ ekena samuṭṭhānena samuṭṭhāti vācato ca cittato ca samuṭṭhāti na kāyato.

[237] Anādariyaṃ paṭicca pacchato gacchantena purato gacchantassa dhammaṃ desentassa dukkaṭaṃ .pe. ekā paññatti ekā anuppaññatti . channaṃ āpattisamuṭṭhānānaṃ ekena samuṭṭhānena samuṭṭhāti kāyato ca vācato ca cittato ca samuṭṭhāti.

[238] Anādariyaṃ paṭicca uppathena gacchantena pathena gacchantassa dhammaṃ desentassa dukkaṭaṃ .pe. ekā paññatti ekā anuppaññatti . channaṃ āpattisamuṭṭhānānaṃ ekena samuṭṭhānena samuṭṭhāti kāyato ca vācato ca cittato ca samuṭṭhāti.