[281] Atirekapattaṃ dasāhaṃ atikkāmento ekaṃ āpattiṃ āpajjati nissaggiyaṃ pācittiyaṃ.

[282] Ūnapañcabandhanena pattena aññaṃ navaṃ pattaṃ cetāpento dve āpattiyo āpajjati cetāpeti payoge dukkaṭaṃ cetāpite nissaggiyaṃ pācittiyaṃ.

[283] Bhesajjāni paṭiggahetvā sattāhaṃ atikkāmento ekaṃ āpattiṃ āpajjati nissaggiyaṃ pācittiyaṃ.

[284] Atirekamāse sese gimhānaṃ vassikasāṭikacīvaraṃ pariyesanto dve āpattiyo āpajjati pariyesati payoge dukkaṭaṃ pariyiṭṭhe nissaggiyaṃ pācittiyaṃ.