อปทกถา นิฏฺฐิตา ฯ

{๑๑๕} ทฺวิปเทสุ เย อวหริตุํ สกฺกา เต ทสฺเสนฺโต มนุสฺสา ปกฺขชาตาติ อาห ฯ เทวตา ปน อวหริตุํ น สกฺกา ฯ ปกฺขา ชาตา เอเตสนฺติ ปกฺขชาตา ฯ เต โลมปกฺขา จมฺมปกฺขา อฏฺฐิปกฺขาติ ติวิธา ฯ ตตฺถ โมรกุกฺกุฏาทโย โลมปกฺขา วคฺคุลิอาทโย จมฺมปกฺขา ภมราทโย ๑- อฏฺฐิปกฺขาติ เวทิตพฺพา ฯ เต สพฺเพ มนุสฺสา จ

ปกฺขชาตา จ เกวลํ อิธ ทฺวิปทคฺคหเณน อาคตา ฯ ยํ ปเนตฺถ วตฺตพฺพํ ตํ อากาสฏฺเฐ จ ปาเณ จ วุตฺตเมวาติ ฯ

ทฺวิปทกถา นิฏฺฐิตา ฯ