เตน สโมธาเนตฺวา ตโยปิ วินยาทโย เญยฺยา ฯ ปริยตฺติปิ หิ มา ปิฏกสมฺปทาเนนาติอาทีสุ ๗- ปิฏกนฺติ วุจฺจติ ฯ อถ ปุริโส อาคจฺเฉยฺย กุทฺทาลปิฏกมาทายาติอาทีสุ ๘- ยงฺกิญฺจิ ภาชนมฺปิ ฯ ตสฺมา ปิฏกํ ปิฏกตฺถวิทู ปริยตฺติภาชนตฺถโต อาหุ ฯ อิทานิ เตน สโมธาเนตฺวา ตโยปิ วินยาทโย เญยฺยาติ ฯ เตน เอวํ ทุวิธตฺเถน ปิฏกสทฺเทน สห สมาสํ กตฺวา วินโย จ โส ปิฏกญฺจ

@๔. อภิ. สงฺ. ๓๔/๙. ๕. อภิ. สงฺ. ๓๔/๑. ๖. อภิ. สงฺ. ๓๔/๗.

@๗. องฺ. จตุกฺ. ๒๑/๒๕๙. ๘. สํ. นิ. ๑๖/๑๐๖. ปริยตฺติภาวโต ตสฺส ตสฺส อตฺถสฺส ภาชนโต จาติ วินยปิฏกํ ยถาวุตฺเตเนว นเยน สุตฺตญฺจ ตํ ปิฏกญฺจาติ สุตฺตปิฏกํ อภิธมฺโม จ โส ปิฏกญฺจาติ อภิธมฺมปิฏกนฺติ เอวเมเต ตโยปิ วินยาทโย เญยฺยา ฯ เอวํ ญตฺวา จ ปุนปิ เตเสฺวว ปิฏเกสุ นานปฺปการโกสลฺลตฺถํ