สกุณา สกุณยฏฺฐิมฺหิ สรูเปเนว สณฺฐิตาติ ฯ สมุทฺทโตปิสฺส มุตฺตามณิเวฑุริยาทิ อเนกวิหิตํ รตนํ อุปฺปชฺชิ ฯ ตมฺพปณฺณิยํ ปน อฏฺฐ มุตฺตา อุปฺปชฺชึสุ หยมุตฺตา คชมุตฺตา รถมุตฺตา อามลกมุตฺตา วลยมุตฺตา องฺคุลิเวฐกมุตฺตา กกุธผลมุตฺตา ปากติกมุตฺตาติ ฯ โส ตา จ ยฏฺฐิโย ตา จ มุตฺตา อญฺญญฺจ พหุํ รตนํ อโสกสฺส ธมฺมรญฺโญ ปณฺณาการตฺถาย เปเสสิ ฯ อโสโก ปสีทิตฺวา ตสฺส ปญฺจราชกกุธภณฺฑานิ ปหิณิ ฉตฺตํ จามรํ ขคฺคํ โมลิรตนํ ปาทุกํ อญฺญญฺจ อภิเสกตฺถาย พหุวิธํ ปณฺณาการํ ฯ เสยฺยถีทํ ฯ สงฺขํ คงฺโคทกํ ๒- วฑฺฒมานํ วฏํสกํ ภิงฺคารํ นนฺทิยาวฏํ สิวิกํ กญฺญํ อโธวิมํ ทุสฺสยุคํ หตฺถปุญฺฉนํ หริจนฺทนํ อรุณวณฺณมตฺติกํ อญฺชนํ หรีตกํ อามลกนฺติ ฯ วุตฺตมฺปิ

@๒. อโนตตฺโตทกเมว คงฺโคทกนฺติ วุตฺตนฺติ สารตฺถทีปนี ฯ เจตํ ทีปวํเส

วาลวีชนึ อุณฺหิสฺสํ ฉตฺตํ ขคฺคญฺจ ปาทุกํ