เอตฺถ ปญฺหํ ปุจฺฉนฺติ "ยทา มหาปุริโส ปฐวิยํ ปติฏฺฐหิตฺวา อุตฺตราภิมุโข ปทสา คนฺตฺวา อาสภิวาจํ อภาสิ, ตทา กึ ปฐวิยา คโต, อุทาหุ อากาเสน, ทิสฺสมาโน คโต, อุทาหุ อทิสฺสมาโน, อเจลโก คโต, อุทาหุ อลงฺกตปฏิยตฺโต, ทหโร หุตฺวา คโต, อุทาหุ มหลฺลโก, ปจฺฉาปิ กึ ตาทิโสว อโหสิ, อุทาหุ ปุน พาลทารโก"ติ. อยํ ปน ปโญฺห เหฏฺฐาโลหปาสาเท สมุฏฺฐิโต ติปิฏกจูฬาภยตฺเถเรน วิสชฺชิโตว.

เถโร กิร เอตฺถ นิยติปุพฺเพกตกมฺมอิสฺสรนิมฺมานวาทวเสน ตํ ตํ พหุํ วตฺวา อวสาเน เอวํ พฺยากริ "มหาปุริโส ปฐวิยา คโต, มหาชนสฺส