๔. มหาสุทัสสนสูตร
อรรถกถาบาลี อักษรโรมัน
อรรถกถาบาลี อักษรไทย
อรรถกถาบาลี อักษรโรมัน
4. Mahāsudassanasutta
อรรถกถาบาลี อักษรไทย
๔. มหาสุทสฺสนสุตฺต
อรรถกถาบาลี อักษรโรมัน
kusāvatīrājadhānīvaṇṇanā
อรรถกถาบาลี อักษรไทย
กุสาวตีราชธานีวณฺณนา
อรรถกถาบาลี อักษรโรมัน
[241-242] Evamme sutanti mahāsudassanasuttaṃ. Tatrāyaṃ anu- pubbapadavaṇṇanā:- sabbaratanamayoti ettha ekā iṭṭhakā sovaṇṇamayā, ekā rūpiyamayā, ekā veḷuriyamayā, ekā phalikamayā, ekā lohitaṅkamayā, ekā masāragallamayā, ekā sabbaratanamayā, ayaṃ pākāro sabbapākārānaṃ anto ubbedhena saṭṭhihattho ahosi. Eke pana therā "nagaraṃ nāma anto ṭhatvā olokentānaṃ dassanīyaṃ vaṭṭati, tasmā sabbabāhiro saṭṭhihattho, sesā anupubbanīcā"ti vadanti. Eke "bahi ṭhatvā olokentānaṃ dassanīyaṃ vaṭṭati, tasmā sabbaabbhantarimo saṭṭhihattho, sesā anupubbanīcā"ti. Eke "anto ca bahi ca ṭhatvā olokentānaṃ dassanīyaṃ vaṭṭati, tasmā majjhe pākāro saṭṭhihattho, anto ca bahi ca tayo tayo anupubbanīcā"ti.
อรรถกถาบาลี อักษรไทย
[๒๔๑-๒๔๒] เอวมฺเม สุตนฺติ มหาสุทสฺสนสุตฺตํ. ตตฺรายํ อนุ- ปุพฺพปทวณฺณนา:- สพฺพรตนมโยติ เอตฺถ เอกา อิฏฺฐกา โสวณฺณมยา, เอกา รูปิยมยา, เอกา เวฬุริยมยา, เอกา ผลิกมยา, เอกา โลหิตงฺกมยา, เอกา มสารคลฺลมยา, เอกา สพฺพรตนมยา, อยํ ปากาโร สพฺพปาการานํ อนฺโต อุพฺเพเธน ๑- สฏฺฐิหตฺโถ อโหสิ. เอเก ปน เถรา "นครํ นาม อนฺโต ฐตฺวา โอโลเกนฺตานํ ทสฺสนียํ วฏฺฏติ, ตสฺมา สพฺพพาหิโร สฏฺฐิหตฺโถ, เสสา อนุปุพฺพนีจา"ติ วทนฺติ. เอเก "พหิ ฐตฺวา โอโลเกนฺตานํ ทสฺสนียํ วฏฺฏติ, ตสฺมา สพฺพอพฺภนฺตริโม สฏฺฐิหตฺโถ, เสสา อนุปุพฺพนีจา"ติ. เอเก "อนฺโต จ พหิ จ ฐตฺวา โอโลเกนฺตานํ ทสฺสนียํ วฏฺฏติ, ตสฺมา มชฺเฌ ปากาโร สฏฺฐิหตฺโถ, อนฺโต จ พหิ จ ตโย ตโย อนุปุพฺพนีจา"ติ.
อรรถกถาบาลี อักษรโรมัน
Esikāti esikatthambhā. Tiporisaṅgāti ekaṃ porisaṃ purisassa attano hatthena pañcahatthaṃ, tena tiporisaṅgaparikkhepā paṇṇarasahatthaparimāṇāti attho. Te pana kathaṃ ṭhitāti. Nagarassa bāhirapassena ekekaṃ mahādvārabāhaṃ nissāya ekeko esiko, ekekaṃ khuddakadvārabāhaṃ nissāya ekeko, mahādvārakhuddakadvārānaṃ anantarā tayo tayoti.
อรรถกถาบาลี อักษรไทย
เอสิกาติ เอสิกตฺถมฺภา. ๒- ติโปริสงฺคาติ เอกํ โปริสํ ปุริสสฺส ๓- อตฺตโน หตฺเถน ปญฺจหตฺถํ, เตน ติโปริสงฺคปริกฺเขปา ๔- ปณฺณรสหตฺถปริมาณาติ อตฺโถ. เต ปน กถํ ฐิตาติ. นครสฺส พาหิรปสฺเสน ๕- เอเกกํ มหาทฺวารพาหํ นิสฺสาย เอเกโก เอสิโก, เอเกกํ ขุทฺทกทฺวารพาหํ นิสฺสาย เอเกโก, มหาทฺวารขุทฺทกทฺวารานํ อนนฺตรา ๖- ตโย ตโยติ.