อรรถกถาบาลี อักษรโรมัน
อรรถกถาบาลี อักษรไทย
อรรถกถาบาลี อักษรโรมัน
Rajjasaṃvibhajanavaṇṇanā
อรรถกถาบาลี อักษรโรมัน
[306] Yena te cha khattiyāti ye te "sahāyā"ti vuttā cha khattiyā, te kira reṇussa ekapitikā kaniṭṭhabhātaro, tasmā mahāgovindo "ayaṃ abhisitto etesaṃ rajjasaṃvibhāgaṃ kareyya vā na vā, yannūnāhaṃ te paṭikacceva reṇussa santikaṃ pesetvā paṭiññaṃ paṭiggaṇhāpeyyan"ti cintetvā yena te cha khattiyā tenupasaṅkami. Rājakattāroti rājakārakā amaccā.
อรรถกถาบาลี อักษรไทย
[๓๐๖] เยน เต ฉ ขตฺติยาติ เย เต "สหายา"ติ วุตฺตา ฉ ขตฺติยา, เต กิร เรณุสฺส เอกปิติกา กนิฏฺฐภาตโร, ตสฺมา มหาโควินฺโท "อยํ อภิสิตฺโต เอเตสํ รชฺชสํวิภาคํ กเรยฺย วา น วา, ยนฺนูนาหํ เต ปฏิกจฺเจว เรณุสฺส สนฺติกํ เปเสตฺวา ปฏิญฺญํ ปฏิคฺคณฺหาเปยฺยนฺ"ติ จินฺเตตฺวา ๔- เยน เต ฉ ขตฺติยา เตนุปสงฺกมิ. ราชกตฺตาโรติ ราชการกา อมจฺจา.
อรรถกถาบาลี อักษรโรมัน
[307] Madanīyā kāmāti madakarā pamādakarā kāmā. Gacchante gacchante kāle esa anussarituṃpi na sakkuṇeyya, tasmā āyantu bhonto, āgacchantūti attho.
อรรถกถาบาลี อักษรไทย
[๓๐๗] มทนียา กามาติ มทกรา ปมาทกรา กามา. คจฺฉนฺเต คจฺฉนฺเต กาเล เอส อนุสฺสริตุํปิ น สกฺกุเณยฺย, ตสฺมา อายนฺตุ โภนฺโต, อาคจฺฉนฺตูติ อตฺโถ.
อรรถกถาบาลี อักษรโรมัน