อรรถกถาบาลี อักษรโรมัน
อรรถกถาบาลี อักษรไทย
อรรถกถาบาลี อักษรโรมัน
@3 cha.Ma. Sī., i. pakatibrahmā naṃ 4 cha.Ma., i. alaṅkaritvā
อรรถกถาบาลี อักษรโรมัน
[328] Sabbena sabbanti ye aṭṭha ca samāpattiyo pañca ca abhiññāyo nibbattesuṃ. Ye na sabbena sabbaṃ sāsanaṃ ājāniṃsūti ye aṭṭhasu samāpattīsu ekaṃ samāpattiṃpi na jāniṃsu, nāsakkhiṃsu nibbattetuṃ. Amoghāti savipākā, avañjhāti anavañjhā, sabbanihīnaṃ pasavanti gandhabbakāyaṃ pasaviṃsūti attho. Saphalāti avasesadevalokūpapattiyā saphalā sahitā. Saudrayāti brahmalokūpapattiyā savuḍḍhi.
อรรถกถาบาลี อักษรไทย
[๓๒๘] สพฺเพน สพฺพนฺติ เย อฏฺฐ จ สมาปตฺติโย ปญฺจ จ อภิญฺญาโย นิพฺพตฺเตสุํ. เย น สพฺเพน สพฺพํ สาสนํ อาชานึสูติ เย อฏฺฐสุ สมาปตฺตีสุ เอกํ สมาปตฺตึปิ น ชานึสุ, นาสกฺขึสุ นิพฺพตฺเตตุํ. อโมฆาติ สวิปากา, อวญฺฌาติ อนวญฺฌา, ๑- สพฺพนิหีนํ ปสวนฺติ คนฺธพฺพกายํ ปสวึสูติ อตฺโถ. สผลาติ ๒- อวเสสเทวโลกูปปตฺติยา สผลา สหิตา. ๒- สอุทฺรยาติ พฺรหฺมโลกูปปตฺติยา สวุฑฺฒิ.
อรรถกถาบาลี อักษรโรมัน
[329] Sarāmahanti sarāmi ahaṃ pañcasikha, iminā kira padena ayaṃ suttanto buddhabhāsito nāma jāto. Na nibbidāyāti na vaṭṭe nibbindanatthāya. Na virāgāyāti na vaṭṭe virāgatthāya. Na nirodhāyāti na vaṭṭassa nirodhanatthāya. Na upasamāyāti na vaṭṭassa upasamatthāya. Na abhiññāyāti na vaṭṭassa abhiññāṇatthāya. Na sambodhāyāti na kilesaniddāvigamena vaṭṭato pabujjhanatthāya. Na nibbānāyāti na amatamahānibbānatthāya.
อรรถกถาบาลี อักษรไทย
[๓๒๙] สรามหนฺติ สรามิ อหํ ปญฺจสิข, อิมินา กิร ปเทน อยํ สุตฺตนฺโต พุทฺธภาสิโต นาม ชาโต. น นิพฺพิทายาติ น วฏฺเฏ นิพฺพินฺทนตฺถาย. น วิราคายาติ น วฏฺเฏ วิราคตฺถาย. น นิโรธายาติ น วฏฺฏสฺส นิโรธนตฺถาย. น อุปสมายาติ น วฏฺฏสฺส อุปสมตฺถาย. น อภิญฺญายาติ น วฏฺฏสฺส อภิญฺญาณตฺถาย. ๓- น สมฺโพธายาติ น กิเลสนิทฺทาวิคเมน วฏฺฏโต ปพุชฺฌนตฺถาย. น นิพฺพานายาติ น อมตมหานิพฺพานตฺถาย.
อรรถกถาบาลี อักษรโรมัน
Ekantanibbidāyāti ekantameva vaṭṭe nibbindanatthāya. Ettha pana nibbidāyāti vipassanā. Virāgāyāti maggo. Nirodhāya upasamāyāti nibbānaṃ. Abhiññāya sambodhāyāti maggo. Nibbānāyāti nibbānameva. Evaṃ ekasmiṃ ṭhāne vipassanā, tīsu maggo, tīsu nibbānaṃ vuttanti evaṃ vivaṭṭakathā veditabbā. Pariyāyena pana sabbāni petāni maggavevacanānipi nibbānavevacanānipi hontiyeva. Sammādiṭṭhīti ādīsu yaṃ vattabbaṃ, taṃ visuddhimagge saccavaṇṇanāyaṃ vuttameva.