อรรถกถาบาลี อักษรโรมัน
อรรถกถาบาลี อักษรไทย
อรรถกถาบาลี อักษรโรมัน
Dasete dasadhā kāyā, sabbe nānattavaṇṇinoti te dasadhā ṭhitā dasa devakāyā sabbe nīlādivasena nānattavaṇṇā āgatāti attho.
อรรถกถาบาลี อักษรไทย
ทเสเต ทสธา กายา, สพฺเพ นานตฺตวณฺณิโนติ เต ทสธา ฐิตา ทส เทวกายา สพฺเพ นีลาทิวเสน นานตฺตวณฺณา อาคตาติ อตฺโถ.
อรรถกถาบาลี อักษรโรมัน
Veṇḍū ca devāti veṇḍu devatā ca. Sahalī cāti sahalī devatā ca. Asamā ca duve yamāti asamadevatā ca dve ca yamakadevā. Candassūpanisā devā, candamāgū purakkhitāti candanissitakā devatā candaṃ purato katvā āgatā. Tathā suriyanissitakā devatā suriyamāgū purakkhitā. Nakkhattāni purakkhitvāti nakkhattanissitāpi devatā nakkhattāni purato katvā āgatā. Āgū mandavalāhakāti vātavalāhakā, abbhavalāhakā, uṇhavalāhakā, ete sabbepi valāhakāyikā mandavalāhakā nāma vuccanti, tepi āgatāti attho. Vasūnaṃ vāsavo seṭṭho, sakkopāga purindadoti vasūnaṃ devatānaṃ seṭṭho vāsavo yo sakkoti ca, purindadoti ca vuccati, sopi āgato. Dasete dasadhā kāyāti etepi dasa devakāyā dasadhāva āgatā. Sabbe nānattavaṇṇinoti nīlādivasena nānattavaṇṇā.
อรรถกถาบาลี อักษรไทย
เวณฺฑู จ เทวาติ เวณฺฑุ เทวตา จ. สหลี จาติ สหลี เทวตา จ. อสมา จ ทุเว ยมาติ อสมเทวตา จ เทฺว จ ยมกเทวา. จนฺทสฺสูปนิสา เทวา, จนฺทมาคู ปุรกฺขิตาติ ๓- จนฺทนิสฺสิตกา เทวตา จนฺทํ ปุรโต กตฺวา อาคตา. ตถา สุริยนิสฺสิตกา เทวตา สุริยมาคู ปุรกฺขิตา. ๔- นกฺขตฺตานิ ปุรกฺขิตฺวาติ นกฺขตฺตนิสฺสิตาปิ เทวตา นกฺขตฺตานิ ปุรโต กตฺวา อาคตา. อาคู มนฺทวลาหกาติ วาตวลาหกา, อพฺภวลาหกา, อุณฺหวลาหกา, เอเต สพฺเพปิ วลาหกายิกา มนฺทวลาหกา นาม วุจฺจนฺติ, เตปิ อาคตาติ อตฺโถ. วสูนํ วาสโว เสฏฺโฐ, สกฺโกปาค ปุรินฺทโทติ วสูนํ เทวตานํ เสฏฺโฐ วาสโว โย สกฺโกติ จ, ปุรินฺทโทติ จ วุจฺจติ, โสปิ อาคโต. ทเสเต ทสธา กายาติ เอเตปิ ทส เทวกายา ทสธาว อาคตา. สพฺเพ นานตฺตวณฺณิโนติ นีลาทิวเสน นานตฺตวณฺณา.
อรรถกถาบาลี อักษรโรมัน
อรรถกถาบาลี อักษรไทย
อรรถกถาบาลี อักษรโรมัน
@3 cha.Ma. purakkhatvāti 4 cha.Ma. sūriyaṃ purakkhatvā
อรรถกถาบาลี อักษรไทย
@๓ ฉ.ม. ปุรกฺขตฺวาติ ๔ ฉ.ม. สูริยํ ปุรกฺขตฺวา