อรรถกถาบาลี อักษรโรมัน
อรรถกถาบาลี อักษรไทย
อรรถกถาบาลี อักษรโรมัน
[429] Tirorājānopīti tiroraṭṭhe aññasmiṃpi janapade rājāno jānanti. Abyattoti avisado accheko. Kopenapīti ye maṃ evaṃ vakkhanti, tesu uppajjanakena kopenapi naṃ etaṃ diṭṭhigataṃ harissāmi pariharissāmīti gahetvā vicarissāmi. Makkhenāti tayā vuttakāraṇamakkhalakkhaṇena makkhena. Palāsenāti tayā saddhiṃ yugaggāhalakkhaṇena palāsena.
อรรถกถาบาลี อักษรไทย
[๔๒๙] ติโรราชาโนปีติ ติโรรฏฺเฐ อญฺญสฺมึปิ ชนปเท ราชาโน ชานนฺติ. อพฺยตฺโตติ อวิสโท อจฺเฉโก. โกเปนปีติ เย มํ เอวํ วกฺขนฺติ, เตสุ อุปฺปชฺชนเกน โกเปนปิ นํ เอตํ ทิฏฺฐิคตํ หริสฺสามิ ปริหริสฺสามีติ คเหตฺวา วิจริสฺสามิ. มกฺเขนาติ ตยา วุตฺตการณมกฺขลกฺขเณน ๓- มกฺเขน. ปลาเสนาติ ตยา สทฺธึ ยุคคฺคาหลกฺขเณน ปลาเสน.
อรรถกถาบาลี อักษรโรมัน
Dvesatthavāhūpamāvaṇṇanā
อรรถกถาบาลี อักษรโรมัน
[430] Haritakapaṇṇanti yaṃkiñci haritakaṃ, antamaso allatiṇapaṇṇaṃpi na hotīti attho. Āsannaddhakalāpanti āsannaddhadhanukalāpaṃ. Āsittodakāni vaṭumānīti paripuṇṇasalilā maggā ca kandarā ca. Yoggānīti balibaddhe.
อรรถกถาบาลี อักษรไทย
[๔๓๐] หริตกปณฺณนฺติ ยํกิญฺจิ หริตกํ, อนฺตมโส อลฺลติณปณฺณํปิ น โหตีติ อตฺโถ. อาสนฺนทฺธกลาปนฺติ ๔- อาสนฺนทฺธธนุกลาปํ. อาสิตฺโตทกานิ วฏุมานีติ ปริปุณฺณสลิลา มคฺคา จ กนฺทรา จ. โยคฺคานีติ พลิพทฺเธ.
อรรถกถาบาลี อักษรโรมัน
Bahunikkhantaroti bahunikkhanto, ciranikkhantoti attho. Yathābhatena bhaṇḍenāti yaṃ vo tiṇakaṭṭhodakabhaṇḍaṃ āropitaṃ, tena yathābhatena yathāropitena, yathāgahitena vāti attho.