@๗ ฉ.ม. ปยาคติตฺถวาสิโน, อิ. ปายาคปติฏฺฐานวาสิโน

ยามุนา ธตรฏฺฐา จาติ ยมุนวาสิโน จ ธตรฏฺฐกุเล อุปฺปนฺนนาคา จ. เอราวโณ มหานาโคติ เอราวโณ จ เทวปุตฺโต, ชาติยา นาโค น โหติ. นาคโวหาเรน ปเนส โวหริยติ. โสปาคาติ โสปิ อาคโต.

เย นาคราเช สหสา หรนฺตีติ เย อิเม วุตฺตปฺปกาเร นาเค โลภาภิภูตา สาหสิกํ ๑- กตฺวา หรนฺติ คณฺหนฺติ. ทิพฺพา ทิชา ปกฺขิ วิสุทฺธจกฺขูติ ทิพฺพานุภาวโต ทิพฺพา มาตุกุจฺฉิโต อณฺฑโกสโต จาติ เทฺว วาเร ชาตาติ ทิชา ปกฺขยุตฺตตาย ปกฺขี โยชนสตนฺตเรปิ โยชนสหสฺสนฺตเรปิ นาเค ทสฺสนสมตฺถจกฺขุตาย วิสุทฺธจกฺขู. เวหายสา ๒- เต วนมชฺฌปตฺตาติ เต อากาเสเนว อิมํ มหาวนํ สมฺปตฺตา. จิตฺรา สุปณฺณา อิติ เตสํ นามนฺติ เตสํ "จิตฺรสุปณฺณา"ติ นามํ.