apica kuhanādivasena pañcavidhā agocaravasena chabbidhā vejjakammādivasena ekavīsatividhā, evaṃ pavattā sabbāpi anesanā anariyā pariyesanāyevāti veditabbā.

Katamā ca bhikkhave ariyapariyesanā? idha bhikkhave ekacco attanā Jātidhammo samāno jātidhamme ādīnavaṃ viditvā ajātaṃ anuttaraṃ yogakkhemaṃ nibbānaṃ pariyesati, attanā jarādhammo, byādhimaraṇasokasaṅkilesadhammo samāno saṅkilesadhamme ādīnavaṃ viditvā asaṅkiliṭṭhaṃ anuttaraṃ yogakkhemaṃ nibbānaṃ pariyesati, ayaṃ bhikkhave ariyāpariyesanā.