อรรถกถาบาลี อักษรไทย
อรรถกถาบาลี อักษรโรมัน
อรรถกถาบาลี อักษรไทย
ติตฺถวาสาทิวณฺณนา
อรรถกถาบาลี อักษรโรมัน
Titthavāsādivaṇṇanā
อรรถกถาบาลี อักษรไทย
ติตฺถวาโสติ ปุนปฺปุนํ ครูนํ สนฺติเก อุคฺคหณสวนปริปุจฺฉนธารณานิ วุจฺจนฺติ. โส เถรสฺส อติวิย ปริสุทฺโธ, เตนาปิสฺสายํ คมฺภีโรปิ ปฏิจฺจสมุปฺปาโท อุตฺตานโก วิย อุปฏฺฐาสิ.
อรรถกถาบาลี อักษรโรมัน
titthavāsoti punappunaṃ garūnaṃ santike uggahaṇasavanaparipucchanadhāraṇāni vuccanti. So therassa ativiya parisuddho, tenāpissāyaṃ gambhīropi paṭiccasamuppādo uttānako viya upaṭṭhāsi.
อรรถกถาบาลี อักษรไทย
โสตาปนฺนานญฺจ นาม ปจฺจยากาโร อุตฺตานโกว หุตฺวา อุปฏฺฐาสิ, ๕- อยญฺจ อายสฺมา โสตาปนฺโน.
อรรถกถาบาลี อักษรโรมัน
Sotāpannānañca nāma paccayākāro uttānakova hutvā upaṭṭhāsi, ayañca āyasmā sotāpanno.
อรรถกถาบาลี อักษรไทย
พหุสฺสุตานญฺจ จตุหตฺเถ โอวรเก ปทีเป ชลมาเน มญฺจปีฐํ วิย นามรูปปริจฺเฉโท ปากโฏ โหติ, อยญฺจ อายสฺมา พหุสฺสุตานํ อคฺโค โหติ อิติ ๖- พาหุสจฺจานุภาเวนปิสฺส คมฺภีโรปิ ปจฺจยากาโร อุตฺตานโก วิย อุปฏฺฐาสิ.
อรรถกถาบาลี อักษรโรมัน
Bahussutānañca catuhatthe ovarake padīpe jalamāne mañcapīṭhaṃ viya nāmarūpaparicchedo pākaṭo hoti, ayañca āyasmā bahussutānaṃ aggo hoti iti bāhusaccānubhāvenapissa gambhīropi paccayākāro uttānako viya upaṭṭhāsi.