อรรถกถาบาลี อักษรไทย
อรรถกถาบาลี อักษรโรมัน
อรรถกถาบาลี อักษรไทย
สพฺพโพธิสตฺตานํ หิ เอกสฺมึ กุลวํสานุรูเป ปุตฺเต ชาเต นิกฺขมิตฺวา ปพฺพชิตพฺพนฺติ อยเมว วํโส อยํ ปเวณี. กสฺมา? สพฺพญฺญุโพธิสตฺตานญฺหิ มาตุ กุจฺฉึ โอกฺกมนโต ปฏฺฐาย ปุพฺเพ วุตฺตปฺปการานิ อเนกานิ ปาฏิหาริยานิ โหนฺติ, ตตฺร เนสํ ยทิ เนว ชาตนครํ น ปิตา น มาตา ๒- น ภริยา น ปุตฺโต ปญฺญาเยยฺย, "อิมสฺส เนว ชาตนครํ น ปิตา ฯเปฯ น ปุตฺโต ปญฺญายติ, เทโว วา สกฺโก วา มาโร วา พฺรหฺมา วา เอส มญฺเญ, เทวานญฺจ อีทิสํ ปฏิหาริยํ อนจฺฉริยนฺ"ติ มญฺญมาโน ชโน เนว โสตพฺพํ น สทฺทหิตพฺพํ ๓- มญฺเญยฺย, ตโต อภิสมโย น ภเวยฺย, อภิสมเย อสติ นิรตฺถโก ๔- พุทฺธุปฺปาโท, อนิยฺยานิกํ สาสนํ โหติ. ตสฺมา สพฺพโพธิสตฺตานํ
อรรถกถาบาลี อักษรโรมัน
sabbabodhisattānaṃ hi ekasmiṃ kulavaṃsānurūpe putte jāte nikkhamitvā pabbajitabbanti ayameva vaṃso ayaṃ paveṇī. Kasmā? sabbaññubodhisattānañhi mātu kucchiṃ okkamanato paṭṭhāya pubbe vuttappakārāni anekāni pāṭihāriyāni honti, tatra nesaṃ yadi neva jātanagaraṃ na pitā na mātā na bhariyā na putto paññāyeyya, "imassa neva jātanagaraṃ na pitā .pe. Na putto paññāyati, devo vā sakko vā māro vā brahmā vā esa maññe, devānañca īdisaṃ paṭihāriyaṃ anacchariyan"ti maññamāno jano neva sotabbaṃ na saddahitabbaṃ maññeyya, tato abhisamayo na bhaveyya, abhisamaye asati niratthako buddhuppādo, aniyyānikaṃ sāsanaṃ hoti. Tasmā sabbabodhisattānaṃ
อรรถกถาบาลี อักษรไทย
"เอกสฺมึ กุลวํสานุรูเป ปุตฺเต ชาเต นิกฺขมิตฺวา ปพฺพชิตพฺพนฺ"ติ อยเมว วํโส อยํ ปเวณี. ตสฺมา ปุตฺตาทีนํ วเสน สมฺพหุลวาโร อาเนตฺวา ทีเปตพฺโพ.
อรรถกถาบาลี อักษรโรมัน
"ekasmiṃ kulavaṃsānurūpe putte jāte nikkhamitvā pabbajitabban"ti ayameva vaṃso ayaṃ paveṇī. Tasmā puttādīnaṃ vasena sambahulavāro ānetvā dīpetabbo.
อรรถกถาบาลี อักษรไทย
สมฺพหุลปริจฺเฉทวณฺณนา
อรรถกถาบาลี อักษรโรมัน
Sambahulaparicchedavaṇṇanā
อรรถกถาบาลี อักษรไทย
ตตฺถ:-
อรรถกถาบาลี อักษรโรมัน
tattha:-