อรรถกถาบาลี อักษรไทย
อรรถกถาบาลี อักษรโรมัน
อรรถกถาบาลี อักษรไทย
วิปสฺสิสฺส ภควโต เอกรตนายามา วิทตฺถิวิตฺถารา อฏฺฐงฺคุลุพฺเพธา สุวณฺณิฏฺฐกา กาเรตฺวา จูฬํเสน ฉาเทตฺวา วิหารฏฺฐานํ กีณึสุ. สิขิสฺส สุวณฺณยฏฺฐิผาเลหิ ฉาเทตฺวา กีณึสุ. เวสฺสภุสฺส สุวณฺณหตฺถิปาทานิ กาเรตฺวา เตสํ จูฬํเสน ฉาเทตฺวา กีณึสุ. กกุสนฺธสฺส วุตฺตนเยเนว สุวณฺณิฏฺฐกาหิ ฉาเทตฺวา กีณึสุ. โกนาคมนสฺส วุตฺตนเยเนว สุวณฺณกจฺฉเปหิ ฉาเทตฺวา กีณึสุ. กสฺสปสฺส สุวณฺณกฬีหิเยว ๑- ฉาเทตฺวา กีณึสุ. อมฺหากญฺจ ๒- ภควโต สลกฺขณานํ กหาปณานํ จูฬํเสน ๓- ฉาเทตฺวา กีณึสุ. อยํ วิหารภูมิคฺคหเณ ๔- ปริจฺเฉโท. ๔-
อรรถกถาบาลี อักษรโรมัน
Vipassissa bhagavato ekaratanāyāmā vidatthivitthārā aṭṭhaṅgulubbedhā suvaṇṇiṭṭhakā kāretvā cūḷaṃsena chādetvā vihāraṭṭhānaṃ kīṇiṃsu. Sikhissa suvaṇṇayaṭṭhiphālehi chādetvā kīṇiṃsu. Vessabhussa suvaṇṇahatthipādāni kāretvā tesaṃ cūḷaṃsena chādetvā kīṇiṃsu. Kakusandhassa vuttanayeneva suvaṇṇiṭṭhakāhi chādetvā kīṇiṃsu. Konāgamanassa vuttanayeneva suvaṇṇakacchapehi chādetvā kīṇiṃsu. Kassapassa suvaṇṇakaḷīhiyeva chādetvā kīṇiṃsu. Amhākañca bhagavato salakkhaṇānaṃ kahāpaṇānaṃ cūḷaṃsena chādetvā kīṇiṃsu. Ayaṃ vihārabhūmiggahaṇe paricchedo.
อรรถกถาบาลี อักษรไทย
ตตฺถ วิปสฺสิสฺส ภควโต ตถา ภูมึ กีณิตฺวา วิหารํ กตฺวา ทินฺนอุปฏฺฐาโก ปุนพฺพสุมิตฺโต นาม อโหสิ, สิขิสฺส ภควโต ๕- สิริวฑฺโฒ ๖- นาม, เวสฺสภุสฺส โสตฺถิโย นาม, กกุสนฺธสฺส อจฺจุโต นาม, โกนาคมนสฺส อุคฺโค นาม, กสฺสปสฺส สุมโน นาม, อมฺหากํ ปน ภควโต สุทตฺโต นาม. สพฺเพเจเต คหปติมหาสาลา เสฏฺฐิโน อเหสุนฺติ. อยํ อุปฏฺฐากปริจฺเฉโท นาม.
อรรถกถาบาลี อักษรโรมัน
Tattha vipassissa bhagavato tathā bhūmiṃ kīṇitvā vihāraṃ katvā dinnaupaṭṭhāko punabbasumitto nāma ahosi, sikhissa bhagavato sirivaḍḍho nāma, vessabhussa sotthiyo nāma, kakusandhassa accuto nāma, konāgamanassa uggo nāma, kassapassa sumano nāma, amhākaṃ pana bhagavato sudatto nāma. Sabbecete gahapatimahāsālā seṭṭhino ahesunti. Ayaṃ upaṭṭhākaparicchedo nāma.
อรรถกถาบาลี อักษรไทย
อปรานิ จตฺตาริ อวิชหิตฏฺฐานานิ นาม โหนฺติ. สพฺพพุทฺธานํ หิ โพธิปลฺลงฺโก อวิชหิโต, เอกสฺมึเยว ฐาเน โหติ. ธมฺมจกฺกปฺปวตฺตนํ อิสิปตเน มิคทาเย อวิชหิตเมว โหติ. เทโวโรหณกาเล สงฺกสฺสนครทฺวาเร ปฐมปาทคณฺฑิตา ๗- อวิชหิตาว โหติ. เชตวเน คนฺธกุฏิยา จตฺตาริ มญฺจปาทฏฺฐานานิ อวิชหิตาเนว โหนฺติ, วิหาโร ปน ขุทฺทโกปิ มหนฺโตปิ โหติ, วิหาโรปิ น วิชหติเยว. ๘- นครํ ปน วิชหติ. ยทา นครํ ปาจีนโต โหติ, ตทา วิหาโร
อรรถกถาบาลี อักษรโรมัน
Aparāni cattāri avijahitaṭṭhānāni nāma honti. Sabbabuddhānaṃ hi bodhipallaṅko avijahito, ekasmiṃyeva ṭhāne hoti. Dhammacakkappavattanaṃ isipatane migadāye avijahitameva hoti. Devorohaṇakāle saṅkassanagaradvāre paṭhamapādagaṇḍitā avijahitāva hoti. Jetavane gandhakuṭiyā cattāri mañcapādaṭṭhānāni avijahitāneva honti, vihāro pana khuddakopi mahantopi hoti, vihāropi na vijahatiyeva. Nagaraṃ pana vijahati. Yadā nagaraṃ pācīnato hoti, tadā vihāro
อรรถกถาบาลี อักษรไทย
อรรถกถาบาลี อักษรโรมัน