จตุราสีตินครสหสฺสาทิวณฺณนา

[๒๖๓] กุสาวตีราชธานีปมุขานีติ กุสาวตีราชธานี เตสํ นครานํ ปมุขา สพฺพเสฏฺฐาติ อตฺโถ. ภตฺตาภิหาโรติ อภิหริตพฺพภตฺตํ.

[๒๖๔] วสฺสสตสฺส วสฺสสตสฺสาติ กสฺมา เอวํ จินฺเตสิ. เตสํ สทฺเทน อุกฺกณฺฐิตฺวา, "ปฐมสฺส ฌานสฺส สทฺโท กณฺฏโก"ติ ๒- หิ วุตฺตํ. ตสฺมา สทฺเทน อุกฺกณฺฐิโต มหาปุริโส. อถ กสฺมา มา อาคจฺฉนฺตูติ น วทติ. อิทานิ ราชา น ปสฺสตีติ นิพทฺธวตฺตํ น ลภิสฺสนฺติ, ตํ เตสํ มา อุปฉิชฺชตูติ ๓- น วทติ.

สุภทฺทาเทวีอุปสงฺกมนวณฺณนา