อรรถกถาบาลี อักษรไทย
อรรถกถาบาลี อักษรโรมัน
อรรถกถาบาลี อักษรไทย
[๔๒๑] อุพฺภินฺทิตฺวาติ มตฺติกาเลปํ ภินฺทิตฺวา.
อรรถกถาบาลี อักษรโรมัน
[421] Ubbhinditvāti mattikālepaṃ bhinditvā.
อรรถกถาบาลี อักษรไทย
[๔๒๒] รามเณยฺยกนฺติ รมณียภาวํ. เจลาวิกาติ ๔- วิลาตทาริกา. ๔- โกมาริกาติ ตรุณทาริกา. ตุยฺหํ ชีวนฺติ สุปินทสฺสนกาเล นิกฺขมนฺตํ วา ปวิสนฺตํ วา ชีวํ อปิ นุ ปสฺสนฺติ. อิธ จิตฺตาจารํ "ชีวนฺ"ติ คเหตฺวา อาห. โส หิ ตตฺถ ชีวสญฺญีติ.
อรรถกถาบาลี อักษรโรมัน
[422] Rāmaṇeyyakanti ramaṇīyabhāvaṃ. Celāvikāti vilātadārikā. Komārikāti taruṇadārikā. Tuyhaṃ jīvanti supinadassanakāle nikkhamantaṃ vā pavisantaṃ vā jīvaṃ api nu passanti. Idha cittācāraṃ "jīvan"ti gahetvā āha. So hi tattha jīvasaññīti.
อรรถกถาบาลี อักษรไทย
[๔๒๓] ชิยายาติ ธนุชิยาย, ชีวํ ๕- เวเฐตฺวาติ อตฺโถ ปตฺถินฺนตโรติ ถทฺธตโร. อิมินา กึ ทสฺเสติ? ตุเมฺห ชีวกาเล สตฺตสฺส ปญฺจกฺขนฺธาติ วทถ, จวนกาเล ปน รูปกฺขนฺธมตฺตเมว อวสิสฺสติ, ตโย ขนฺธา อปฺปวตฺตา โหนฺติ, วิญฺญาณกฺขนฺโธว คจฺฉติ. อวสิฏฺเฐน รูปกฺขนฺเธน ลหุกตเรน ภวิตพฺพํ, ครุกตโร จ โหติ. ตสฺมา นตฺถิ โกจิ กุหึ คโตติ อิมมตฺถํ ทสฺเสสิ.
อรรถกถาบาลี อักษรโรมัน
[423] Jiyāyāti dhanujiyāya, jīvaṃ veṭhetvāti attho patthinnataroti thaddhataro. Iminā kiṃ dasseti? tumhe jīvakāle sattassa pañcakkhandhāti vadatha, cavanakāle pana rūpakkhandhamattameva avasissati, tayo khandhā appavattā honti, viññāṇakkhandhova gacchati. Avasiṭṭhena rūpakkhandhena lahukatarena bhavitabbaṃ, garukataro ca hoti. Tasmā natthi koci kuhiṃ gatoti imamatthaṃ dassesi.
อรรถกถาบาลี อักษรไทย
สนฺตตฺตอโยคุฬูปมาวณฺณนา