@๓ ฉ.ม., อิ. ชิคุจฺฉา เมตํ ชาตินฺติ ๔ ฉ.ม. อทฺทส โข ปญฺญายิสฺสติ พฺยาธิ ปญฺญายิสฺสตีติ อิธาปิ ยาย ชาติยา สติ อิทํ ทฺวยํ ปญฺญายติ, ธิรตฺถุ ๑- ชาติ, อชาตํ เขมนฺติ ชาติยา มูลํ ขณนฺโต นิสีทิ ทุติเยน สลฺเลน วิทฺโธ วิย.

กาลกตปุริสวณฺณนา

[๕๐] วิลาตนฺติ สิวิกํ. เปตนฺติ อิโต ปฏิคตํ. กาลกตนฺติ ๒- กตกาลํ, ยตฺตกํ เตน กาลํ ชีวิตพฺพํ, ตํ สพฺพํ กตฺวา นิฏฺฐเปตฺวา มตนฺติ อตฺโถ. อิมํปิสฺส ปุริมนเยเนว พฺรหฺมาโน ทสฺเสสุํ. ยตฺร หิ นามาติ อิธาปิ ยาย ชาติยา สติ อิทํ ตยํ ๓- ปญฺญายติ, ธิรตฺถุ ชาติ อชาตํ เขมนฺติ ชาติยา มูลํ ขณนฺโต นิสีทิ ตติเยน สลฺเลน วิทฺโธ วิย.

ปพฺพชิตวณฺณนา