ตตฺถ ยทา ราชาโน อธมฺมิกา โหนฺติ, ตทา อุปราชา ๕- เสนาปติ เสฏฺฐี สกลนครํ สกลรฏฺฐํ อธมฺมิกเมว โหติ. อถ เตสํ อารกฺขเทวตา, ตาสํ เทวตานํ มิตฺตา ภุมฺมา เทวตา, ๖- ภุมฺมเทวตานํ ๗- มิตฺตา อากาสฏฺฐกเทวตา,

@๓ อิ. ชีวิ. เอวมุปริปิ ๔ สี. พกฺกุลตฺเถโร

@๕ ฉ.ม., อิ. อุปราชาโน, ๖ ฉ.ม. ภูมฏฺฐเทวตา ๗ ฉ.ม., อิ. ตาสํ เทวตานํ อากาสฏฺฐกเทวตานํ มิตฺตา อุณฺหวลาหกา เทวตา, ตาสํ มิตฺตา อพฺภวลาหกา เทวตา, ตาสํ มิตฺตา สีตวลาหกา เทวตา, ตาสํ มิตฺตา วสฺสวลาหกา เทวตา, ตาสํ มิตฺตา จาตุมฺมหาราชิกา เทวตา, ตาสํ มิตฺตา ตาวตึสา เทวตา, ตาสํ มิตฺตา ยามา เทวตาติ เอวมาทิ เอวํ ยาว ภวคฺคา ฐเปตฺวา อริยสาวเก สพฺเพ เทวา พฺรหฺมปริสาปิ ๑- อธมฺมิกา โหนฺติ. ตาสํ อธมฺมิกตาย วิสมํ จนฺทิมสุริยา ปริหรนฺติ, วาโต ยถามคฺเคน น วายติ, ยถามคฺเคน อวายนฺโต ๒- อากาสฏฺฐกวิมานานิ โขเภติ, วิมาเนสุ โขภิเตสุ เทวตานํ กีฬนตฺถาย จิตฺตานิ น นมนฺติ, เทวตานํ กีฬนตฺถาย จิตฺเตสุ อนมนฺเตสุ สีตุณฺหเภโท อุตุ ยถากาเลน น สมฺปชฺชติ, ตสฺมึ อสมฺปชฺชนฺเต น จ สมฺมา เทโว วสฺสติ, กทาจิ วสฺสติ, กทาจิ น วสฺสติ, กตฺถจิ วสฺสติ, กตฺถจิ น วสฺสติ, วสฺสนฺโต ปน ๓- วปฺปกาเล องฺกุรกาเล นาฬกาเล ปุปฺผกาเล ขีรคฺคหณาทิกาเลสุ ยถา ยถา สสฺสานํ อุปกาโร น โหติ, ตถา ตถา วสฺสติ ๔- จิรํ วิคจฺฉติ จ, ๔- เตน สสฺสานิ วิสมปากานิ โหนฺติ วิคตคนฺธวณฺณรสาทิสมฺปตฺตีนิ ๕- เอกภาชเน ปกฺขิตฺตตณฺฑุเลสุปิ เอกสฺมึ ปเทเส ภตฺตํ อุตฺตณฺฑุลํ โหติ เอกสฺมึ อติกิลินฺนํ เอกสฺมึ สมฺปากํ, ๖- ตํ ปริภุตฺตํ กุจฺฉิยํปิ ตีหากาเรหิ คจฺฉติ. เตน สตฺตา พหวาพาธา เจว โหนฺติ อปฺปายุกา จ. เอวํ ตาว อุตุโภชนวเสน อายุ หายติ. ๗-