[๒๒๑] อุปฺปาทวยธมฺมิโนติ อุปฺปาทวยสภาวา. เตสํ วูปสโมติ เตสํ สงฺขารานํ วูปสโม, อสงฺขตํ นิพฺพานเมว สุขนฺติ อตฺโถ.

@ อริยสาวกา วา ๔ ฉ.ม. กุนฺถกิปิลฺลิกํ,

[๒๒๒] นาหุ อสฺสาสปสฺสาโสติ น ชาโต อสฺสาสปสฺสาโส. อเนโชติ ตณฺหาสงฺขาย เอชาย อภาเวน อเนโช. สนฺติมารพฺภาติ อนุปาทิเสสนิพฺพานํ อารพฺภ ปฏิจฺจ สนฺธาย. ยํ กาลมกรีติ โย กาลํ อกริ. อิทํ วุตฺตํ โหติ "อาวุโส โย มม สตฺถา พุทฺธมุนิ สนฺตึ คมิสฺสามีติ สนฺตึ อารพฺภ กาลมกริ, ตสฺส ฐิตจิตฺตสฺส ตาทิโน อิทานิ อสฺสาสปสฺสาโส น ชาโต นตฺถิ นปฺปวตฺตตี"ติ.